Batys Qazaqstanda Azamat soǵysynan qalǵan artıllerııalyq snarıad tabyldy
ORAL. QazAqparat – Batys Qazaqstan oblysynda artıllerııalyq snarıad tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkendeı, oqıǵa 19 shilde kúni Báıterek aýdany Şapov aýylynda bolǵan.
«Saǵat 12.30-da Baıqońyr kóshesi, 13 mekenjaıynda «Otdel Stroı» JShS mańynda 47 jastaǵy turǵyn jer qazyp jatqan mezgilde 2 metr tereńdikten artıllerııalyq snarıad taýyp alǵan. Snarıadtyń dıametri - 76 mm, uzyndyǵy - 320 mm. Saǵat 15.35-te barlyq qaýipsizdik sharalaryn saqtaı otyryp BQO PD saperlary snarıadty joıdy», - dep habarlady vedomstvodan.
Polıtsııa departamentiniń málimetinshe, snarıad Azamat soǵysy kezinen qalǵan bolyp shyqty.
