Batys Qazaqstanda Azamat soǵysy kezinen qalǵan snarıad tabyldy
ORAL. QazAqparat - Batys Qazaqstan oblysynda jer qazý jumystary kezinde snarıad tabyldy, dep habarlaıdy QazAqparat tilshisi.
Aqjaıyq aýdany ortalyǵy Chapaev aýylynda D.Qonaev kóshesi 57-úıge qaraı sý qubyryn tartý úshin jer qazyp jatqan «Jaıktehservıs» MKK jumysshylary 25 sáýir kúni saǵat 11.00-de snarıadqa uqsas zatty taýyp aldy.
Aýdandyq TJ bóliminen túsken málimetke qaraǵanda, teksergen kezde ol shynynda da aldyn ala boljam boıynsha Azamat soǵysy kezinen qalǵan uzyndyǵy 50 sm, dıametri 10 sm snarıad bolyp shyqty.
Atalǵan aýmaq qorshaýǵa alynyp, kúzet qoıyldy. Atyraý qalasyndaǵy áskerı bólimnen shaqyrylǵan saperlar snarıadty zalalsyzdandyratyn bolady.
