Batys Qazaqstanda azamat soǵysy kezinen qalǵan alty snarıad tabyldy
ORAL. QazAqparat – Batys Qazaqstan oblysynda azamat soǵysy kezinen qalǵan alty snarıad tabyldy, dep habarlaıdy QazAqparat tilshisi.
BO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 8 maýsym kúni Aqjaıyq aýdany Býdarın aýylynda boldy.
Saǵat 11.45-te 1963 jylǵy aýyl turǵyny Jaıyq ózeniniń eski arnasynan qara metall jınaý kezinde azamat soǵysy kezinen qalǵan alty artıllerııalyq snarıad taýyp alǵan. Bulardyń uzyndyǵy 30 sm, dıametri 8,5 sm.
«Qazirgi kezde oqıǵa ornynda BQO polıtsııa departamentiniń saperlary zalalsyzdandyrý baǵytyndaǵy jumystardy júrgizýde. Tabylǵan snarıadtar belgilengen tártippen joıylatyn bolady», dedi QazAqparat tilshisine B.Belgibekov.
Eske sala keteıik, budan buryn Oralda jeti jasar balanyń úshinshi qabattan qulap ketkenin jazǵan bolatynbyz.
