Batys Qazaqstanda «Áıelderge qatysty zorlyq-zombylyqsyz 16 kún» is-sharasy ótkizildi
ORAL. 13 jeltoqsan. QazAqparat /Eljan Eraly/ - Batys Qazaqstan oblysynda 25 qarasha men 10 jeltoqsan aralyǵynda «Áıelderge qatysty zorlyq-zombylyqsyz 16 kún» is-sharasy ótkizildi.
Oblystyq ishki ister departamentiniń baspasóz qyzmetinen túsken málimetke qaraǵanda, is-sharaǵa ishki ister jáne basqa memlekettik organdar men qoǵamdyq uıymdardan 1061 adam jumyldyrylyp, jedel toptar quryldy.
Kásiporyndar men uıymdarda, oqý oryndarynda áıelderge qatysty zorlyq-zombylyqtyń aldyn alýǵa baǵyttalǵan 432 is-shara ótkizildi. Osy kezeńde áıelderge qatysty aýyr qylmystar tirkelgen joq. QR ákimshilik quqyqbuzýshylyq kodeksi 79-5 babyna sáıkes 80 adam jaýapkershilikke tartyldy.
Іs-shara barysynda salaýatty ómir saltyn qalyptastyrý máseleleri jónindegi oblystyq ortalyq ta densaýlyq saqtaý basqarmasymen birlese otyryp, arnaıy dóńgelek ústel otyrysyn ótkizdi.
