Batys Qazaqstanda áıel eki ulymen birge Jaıyq ózenine batyp ketti

ORAL. QazAqparat - Batys Qazaqstan oblysynda taǵy úsh adam sýǵa batyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 4 shilde kúni Bórli aýdany Jarsýat aýylynda boldy.

Saǵat 19.00-de Jaıyq ózeninen 36 jastaǵy áıel onyń 7 jáne 5 jasar ulynyń denesi tabylǵan. Áıel kıimsheń, balalary sheshingen kúıinde bolǵan.

Olardyń denesin jergilikti turǵyndar shyǵaryp alǵan. Bul týraly habar saǵat 20.40-ta tústi.

Qazirgi kezde oqıǵanyń jaı-japsary anyqtalý ústinde. Qaza tapqandar - Reseı Federatsııasynyń turǵyndary.

Osylaısha Batys Qazaqstan oblysynda sýǵa ketkender sany 17-ge jetti. Onyń jeteýi - balalar.

Eske sala keteıik, budan buryn Batys Qazaqstan oblysynda segiz jasar balanyń sýǵa ketkenin jazǵan bolatynbyz.

Sondaı-aq Oralda ákesi qyzyn qutqaram dep ekeýi de sýǵa ketti.