Batys Qazaqstanda avtokóliktiń órtenýi jıilep ketti

ORAL. QazAqparat – Batys Qazaqstan oblysynda taǵy bir avtokólik órtendi, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 23 qarasha kúni saǵat 09.40-ta Terekti aýdany aýmaǵynda boldy.

Samara-Shymkent kúre jolynyń 274-shaqyrymynda Barbastaý aýyly mańynda 1974 jylǵy júrgizýshi aıdap kele jatqan «VAZ-21099» avtokóligi otqa orandy.

«Tilsiz jaý» saǵat 10.12-de oqshaýlanyp, 10.23-te aýyzdyqtaldy.

Zardap shekkender joq.

Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.

Osymen sońǵy eki kúnde oblysta 2 avtokólik janyp ketti. Jyl basynan beri órtengen kólikter sany 92-ge jetti.

Eske sala keteıik, budan buryn Oralda kópir ústinde avtokólik janyp ketkenin jazǵan bolatynbyz.