Batys Qazaqstanda avtokólik polıtsııa qyzmetkerin qaǵyp ketti
ORAL. QazAqparat - 30 qyrkúıek kúni saǵat shamamen 01.30-da Aqsaı-Shyńǵyrlaý jolynyń 59-shaqyrymynda, Aşysaı aýylynan 3 km jerde 1974 jylǵy júrgizýshi «Folksvagen-Golf» avtokóligimen 1990 jylǵy jaıaý júrginshi, polıtsııa aǵa serjanty, Bórli aýdandyq ishki ister bólimi jol-patrýldik vzvodynyń polıtseıin qaǵyp ketti, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, jol apaty saldarynan polıtsııa qyzmetkeri oqıǵa ornynda qaza tapqan.
Medıtsınalyq kýálandyrý boıynsha atalǵan júrgizýshi jeńil dárejedegi mas kúıinde bolǵan.
Atalǵan derek boıynsha QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
