Batys Qazaqstanda avtokólik ózenge túsip ketti
ORAL. QazAqparat – Batys Qazaqstan oblysynda avtokólik ózenge túsip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 19 qyrkúıek kúni saǵat 23.00-de Báıterek aýdany Krasnyı Ýral aýylynyń shetinde boldy.
26 jastaǵy júrgizýshi Volvo-440 avtokóliginiń rýline ıe bola almaı, Shaǵan ózenine túsip ketken. Ol avtokólikte jalǵyz bolǵan.
Jedel qutqarý jasaǵynyń qyzmetkerleri (6 qutqarýshy, 1 tehnıka, 1 júzý quraly) avtokólikti 20 qyrkúıek kúni saǵat 15.00-de Shaǵannan shyǵaryp aldy. Sýdyń tereńdigi 2 metr, eni 10 metr.
Zardap shekkender joq.
Eske sala keteıik, budan buryn Oralda kópqabatty úı órtenip, 30 adamnyń evakýatsııalanǵanyn jazǵan bolatynbyz.
