Batys Qazaqstanda avtokólik mototsıkl mingen jasóspirimdi qaǵyp ketti
ORAL. QazAqparat - Batys Qazaqstan oblysynda avtokólik mototsıkl mingen jasóspirimdi qaǵyp ketti, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 8 shilde kúni Shyńǵyrlaý aýdany Aqshat aýylynda boldy.
Saǵat 12.30-da 65 jastaǵy júrgizýshi «VAZ-2107» avtokóligimen 16 jasar jasóspirim aıdap kele jatqan mototsıklmen soqtyǵysýǵa jol bergen.
Jol apaty saldarynan jasóspirim Syrym aýdandyq ortalyq aýrýhanasynyń hırýrgııalyq bólimshesine jatqyzyldy.
Atalǵan derek boıynsha QR QK 345-baby 1-bóligine sáıkes sotqa deıingi tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jasóspirim sanavıatsııamen oblystyq kópbeıindi balalar aýrýhanaǵa jetkizilgen. Jaǵdaıy aýyr, jansaqtaý bóliminde jatyr.
Eki jilinshigi synǵan jasóspirimge birneshe saǵatqa sozylǵan ota jasaldy.
Eske sala keteıik, budan buryn Oralda poıyzdyń er adamdy qaǵyp ketkenin jazǵan bolatynbyz.
