Batys Qazaqstanda avtokólik aýdarylyp, júrgizýshi zardap shekti
BQO polıtsııa departamentiniń baspasóz qyzmeti málim etkenindeı, oqıǵa 13 qyrkúıek kúni shamamen saǵat 06.30-da Báıterek aýdanynda boldy.
Peremetnyı-Úlken Shaǵan jolynyń 36-shaqyrymynda 33 jastaǵy júrgizýshi jol qaýipsizdigin qamtamasyz etpeı, «Folksvagen Golf» avtokóliginiń aýdarylýyna jol bergen.
Saldarynan júrgizýshi Báıterek aýdandyq ortalyq aýrýhanasyna jetkizildi.
Osy oqıǵa boıynsha QR Ákimshilik quqyqbuzýshylyq kodeksi 612-babyna sáıkes hattama toltyryldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, júrgizýshiniń ishi kógergen. Sol jaq qasynyń tusy isken.
Ambýlatorlyq em alýǵa jiberildi. Synyq jaraqattary joq.
Eske sala keteıik, budan buryn Oralda eki avtokólik soqtyǵysyp, bir adamnyń aýrýhanaǵa jetkizilgenin jazǵan bolatynbyz.
Bul oqıǵa saldarynan 32 jastaǵy er adam jabyq bas-mı jaraqatyn alyp, mıy shaıqalǵan, oń jaqtaǵy eki-úsh qabyrǵasy synǵan degen dıagnozben aýrýhanaǵa túsken bolatyn. Ol da ambýlatorlyq em alýǵa jiberildi.