Batys Qazaqstanda avtokólik aýdarylyp, eki adam mert boldy

ORAL. QazAqparat – Batys Qazaqstan oblysynda avtokólik aýdarylyp eki adam mert boldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 17 qazan kúni Chapaev-Jalpaqtal-Kaztalov jolynyń 84-shaqyrymynda boldy.

«Nıva Shevrole» avtokóliginiń dońǵalaǵy jarylyp, aýdarylǵan.

Sonyń saldarynan 51 jastaǵy júrgizýshi men 40 jastaǵy jolaýshy oqıǵa ornynda kóz jumdy.

Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde.

BQO polıtsııa departamenti júrgizýshilerge qyraǵy da muqııat bolyp, jol júrý erejesin buzbaý kerektigin eske salady.

Eske sala keteıik, budan buryn Oralda 2 kólik soqtyǵysyp, eki adamnyń jaraqat alǵanyn jazǵan bolatynbyz.

Sondaı-aq Oralda 6 páterlik turǵyn úı órtenip ketti.