Batys Qazaqstanda avtokólik aýdarylyp, eki adam kóz jumdy

ORAL. QazAqparat – Batys Qazaqstan oblysynda avtokólik aýdarylyp, eki adam kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetkeri, polıtsııa maıory Darıǵa Májıtovanyń málim etkenindeı, oqıǵa 7 maýsym kúni shamamen saǵat 19.15-te boldy.

«Jalpaqtal-Chapaev avtojolynyń 115-shaqyrymynda «Leksýs» avtokóligi aýdarylyp qaldy. Jol apaty saldarynan 1986 jylǵy júrgizýshi oqıǵa ornynda qaıtys boldy. Avtokólikte otyrǵan jolaýshy Jalpaqtal aýylyndaǵy aýdandyq aýrýhanaǵa jatqyzyldy. Túnde Oral qalasynda turǵan 1990 jylǵy jolaýshy áıel kóz jumdy. Qazirgi kezde QR QK 345-babyna sáıkes qylmystyq is qozǵalyp, oqıǵanyń jaı-japsary anyqtalý ústinde», dedi D.Májıtova.

Eske sala keteıik, budan buryn Batys Qazaqstanda polıtsııa qyzmetkeriniń eki balany qutqaryp qalǵanyn jazǵan bolatynbyz.