Batys Qazaqstanda avtokólik aýdarylyp, eki adam kóz jumdy

ORAL. QazAqparat – Batys Qazaqstan oblysynda avtokólik aýdarylyp, eki adam mert boldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 9 qyrkúıek kúni Báıterek aýdany aýmaǵynda boldy.

Saǵat 17.30-da respýblıkalyq mańyzy bar Oral-Atyraý jolynyń 35-shaqyrymynda 40 jastaǵy júrgizýshi basqarǵan «Mazda 3 « avtokóligi aýdarylyp qalǵan.

Sonyń saldarynan júrgizýshi jáne 34 jastaǵy jolaýshy oqıǵa ornynda qaza tapty. 30 jastaǵy taǵy bir jolaýshy aýrýhananyń hırýrgııa bólimine jatqyzyldy.

Avtokólik arnaıy turaqqa qoıylyp, Qylmystyq kodekstiń 345-baby 4-bóligine sáıkes sotqa deıingi tergeý amaldary júrgizilip jatyr.

BQO polıtsııa departamenti júrgizýshilerge qyraǵy bolyp, jyldamdyqty asyrmaý, jol erejesin buzbaý qajettigin eske salady.

Eske sala keteıik, budan buryn Oral qalasynda iri qoıma órtenip ketkenin jazǵan bolatynbyz.