Batys Qazaqstanda avtokólik aýdarylyp, 66 jastaǵy áıel kóz jumdy
ORAL. QazAqparat – Batys Qazaqstan oblysynda avtokólik aýdarylyp, 66 jastaǵy áıel kóz jumdy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 18 sáýir kúni saǵat 17.19-da Aqjaıyq aýdany aýmaǵynda boldy.
Oral-Atyraý jolynyń 205-shaqyrymynda (trassalyq- medıtsınalyq qutqarý beketinen 80 km qashyqtyqta) «Nıssan» avtokóligi joldan shyǵyp ketip, aýdarylǵan.
Jol-kólik oqıǵasy ornynan 1954 jylǵy áıel men 1957 jylǵy er adam Aqjaıyq aýdandyq aýrýhanasyna jetkizildi.
Oqıǵa ornyna 4 qyzmetker 1 tehnıkamen bardy. Zardap shekkender – Aqtóbe oblysynyń turǵyndary.
19 sáýir kúni áıel aýrýhanada qaıtys boldy.
Eske sala keteıik, budan buryn BQO-da 2,4 tonna balyqty zańsyz tasymaldaǵan eki avtokóliktiń ustalǵanyn jazǵan bolatynbyz.
