Batys Qazaqstanda avtokólik aýdarylyp, 18 jastaǵy eki jigit kóz jumdy

ORAL. QazAqparat – Batys Qazaqstan oblysynda avtokólik aýdarylyp, 18 jastaǵy eki jigit kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, jantúrshigerlik oqıǵa 24 qazan kúni tańmen Báıterek aýdany aýmaǵynda boldy.

«Saǵat 08.30-da Oral-Tasqala jolynyń 28-shaqyrymynda 2004 jylǵy júrgizýshi Nissan Almera avtokóliginiń rýline ıe bola almaı, aýdarylyp qalǵan. Sonyń saldarynan júrgizýshi men avtokólikte otyrǵan 2004 jylǵy jolaýshy oqıǵa ornynda jedel járdem kelgenge deıin jan tapsyrdy. Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn Batys Qazaqstanda uly ákesin uryp óltirgenin jazǵan bolatynbyz.