Batys Qazaqstanda aýyldyq klýb órtenip ketti
ORAL. QazAqparat – Batys Qazaqstan oblysynda aýyldyq klýb órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 11 qarasha kúni Bókeı ordasy aýdanynda boldy.
Saǵat 07.42-de Orda aýyldyq okrýgine qarasty Qarasý aýylynda ornalasqan mádenıet oshaǵynyń tóbesi janyp jatqany jóninde habar túsken.
Órt aýmaǵy 236 sharshy metrdi qurady.
№26 órt sóndirý beketiniń kúshimen (3 adam, 1 tehnıka) «tilsiz jaý» saǵat 09.27-de oqshaýlanyp, 10.23-te tolyqtaı joıyldy.
Qazirgi kezde órttiń shyǵý sebebi, keltirilgen shyǵyn anyqtalý ústinde.
