Batys Qazaqstanda aýyl turǵyny tanysyn pyshaqtap óltirdi

ORAL. QazAqparat – Batys Qazaqstan oblysynda aýyl turǵyny tanysyn pyshaqtap óltirdi, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa Shyńǵyrlaý aýdany Aqbulaq aýylynda boldy.

Sharýa qojalyqtarynyń birinde jumys isteıtin eki turǵyn birge araq ishken. Sonyń barysynda bir-birimen sózge kelip, 32 jastaǵy kúdikti ózinen eki jas úlken tanysynyń basyna birneshe ret pyshaq jumsaǵan. Saldarynan 34 jastaǵy er adam oqıǵa ornynda kóz jumdy.

Qazirgi kezde QR QK 99-baby 1-bóligine (adam óltirý) sáıkes sotqa deıingi tergeý amaldary júrgizilýde.

Eske sala keteıik, budan buryn Batys Qazaqstanda eki júrgizýshiniń mas kúıinde jol apatyna ushyraǵanyn jazǵan bolatynbyz.