Batys Qazaqstanda aýa raıynyń nasharlaýyna baılanysty taǵy da joldar jabyldy
ORAL. QazAqparat – Batys Qazaqstan oblysynda aýa raıynyń nasharlaýyna baılanysty taǵy da joldar jabyldy, dep habarlaıdy QazAqparat tilshisi.
BQO jolaýshylar kóligi jáne avtomobıl joldary basqarmasynyń málimetine qaraǵanda, kóktaıǵaq pen jańbyrǵa baılanysty jergilikti saǵat 12.00-den bastap oblystyq mańyzy bar Oral-Kırsanov, Jympıty-Qaratóbe, Úlken Shaǵan-Peremetnyı joldarynda barlyq kólik túrleriniń qozǵalysyna shekteý qoıyldy.
Osyǵan baılanysty BQO TJ departamenti eskertý jarııalanyp, saqtyq sharalarynyń alynyp jatqandyǵyn jetkizdi.
Eske sala keteıik, budan buryn Batys Qazaqstanda jańbyr men kóktaıǵaqqa baılanysty jol jabylǵanyn jazǵan bolatynbyz.
