Batys Qazaqstanda aýa raıynyń nasharlaýyna baılanysty respýblıkalyq jol jabyldy

ORAL. QazAqparat – Batys Qazaqstan oblysynda aýa raıynyń nasharlaýyna baılanysty respýblıkalyq jol jabyldy, dep habarlaıdy QazAqparat tilshisi.

«QazAvtoJol» AQ BQO fılıalynyń málimeti boıynsha 16 jeltoqsan kúni jergilikti saǵat 20.30-den bastap respýblıkalyq mańyzy bar Oral-Atyraý (Oral qalasynan Atyraý oblysynyń shekarasyna deıin) jolynda barlyq kólik túrleri úshin qozǵalysqa shekteý qoıyldy.

Joldyń jabylý sebebi – jańbyr, tuman, kóktaıǵaq.

BQO TJ departamenti sonymen qatar 17 jeltoqsan kúni oblystyń batysy men soltústiginde tuman túsip, kóktaıǵaq bolatyny jóninde eskertý jarııalanǵanyn jetkizdi.

Qazirgi kezde tótenshe jaǵdaılardyń aldyn alý baǵytynda tıisti is-sharalar júrgizilip jatyr.