Batys Qazaqstanda aýa raıynyń buzylatyny jóninde taǵy da eskertý jarııalandy
ORAL. QazAqparat – Batys Qazaqstan oblysynyń keı jerlerinde erteń tuman túsip, kóktaıǵaq bolady, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha 23 qańtar kúni ońtústik-batystan soǵatyn jeldiń jyldamdyǵy sekýndyna 15-20 metrge jetýi múmkin.
Oblys ortalyǵy Oral qalasynda tuman túsip, jeldiń ekpini sekýndyna 18 metrge jetedi.
BQO TJ departamenti aýa raıynyń buzylatyny jóninde eskertý jarııalanyp, turǵyndarǵa habarlanyp jatqanyn jetkizdi.
Tótenshe jaǵdaılarǵa jol bermeý maqsatynda tıisti sharalar qolǵa alynýda.
Eske sala keteıik, budan buryn óńirde boran soǵatynyn jazǵan bolatynbyz.
