Batys Qazaqstanda aýa raıyna qatysty taǵy da eskertý jarııalandy
ORAL. QazAqparat – «Qazgıdromet» RMK BQO fılıalynyń málimeti boıynsha 29 shilde kúni óńirdiń keı jerlerinde naızaǵaı oınap, daýyl soǵady, dep habarlaıdy QazAqparat tilshisi.
Soltústik-batystan soǵatyn jeldiń jyldamdyǵy sekýndyna 15-20 metrge jetedi. Sondaı-aq burshaq jaýýy da yqtımal.
Oralda da naızaǵaı oınap, jeldiń ekpini sekýndyna 18 metrge jetýi múmkin.
Osyǵan baılanysty BQO TJ departamenti turǵyndar arasynda tótenshe jaǵdaılarǵa jol bermeý maqsatynda eskertý jarııalanǵanyn jetkizdi.
Táýlik boıy kezekshilik uıymdastyrylyp, tıisti kúsh-quraldar daıyndyqqa keltirildi.
