Batys Qazaqstanda aýa raıyna baılanysty joldar jabyldy
ORAL. QazAqparat – Batys Qazaqstan oblysynda aýa raıynyń nasharlaýyna baılanysty joldar jabyldy, dep habarlaıdy QazAqparat tilshisi.
BQO polıtsııa departamenti málim etkendeı, halyqaralyq mańyzy bar Samara-Shymkent (Oral qalasynan Aqtóbe oblysynyń shekarasyna deıin) kúre joly jergilikti saǵat 19.50-den bastap barlyq kólik túrlerine jabyldy.
Sondaı-aq Oral-Atyraý, Oral-Tasqala-RF shekarasy (Peremetnyıdan Tasqalaǵa deıin) joldary da jabyq.
Jabylý sebebi – jaýyn, jel, kóktaıǵaq, tuman.
Eske sala keteıik, budan buryn Batys Qazaqstanda eki avtokólik soqtyǵysyp, 9 adamnyń aýrýhanaǵa jetkizilgenin jazǵan bolatynbyz.
