Batys Qazaqstanda aýa raıyna baılanysty eskertý jarııalandy
ORAL. QazAqparat – Batys Qazaqstan oblysynda aýa raıynyń buzylatyny týraly eskertý jarııalandy, dep habarlaıdy QazAqparat.
«Qazgıdromet» RMK málimetine sáıkes 18 jeltoqsan kúni oblystyń keı jerlerinde tuman túsip, jaıaý burqasyn kóteriledi.
Ońtústik-batystan soǵatyn jeldiń jyldamdyǵy kúndiz keı jerlerde sekýndyna 15-20 metrge jetýi yqtımal.
Oblys ortalyǵy Oral qalasynda túnde jáne tańerteń tuman túsedi.
Osyǵan baılanysty BQO TJ departamenti turǵyndar arasynda tótenshe jaǵdaılarǵa jol bermeý, ómirlik mańyzy zor nysandardyń úzdiksiz jumys isteýin, sondaı-aq elektr jáne baılanys jelileriniń úzilmeýin qamtamasyz etý baǵytynda sharalar alynyp jatqandyǵyn habarlady.
Aıta keteıik, óńirde tuman túsetini týraly budan buryn da birneshe kún boıy eskertý jarııalanǵan bolatyn.
