Batys Qazaqstanda aýa raıy buzylyp, respýblıkalyq jolda qozǵalysqa shekteý qoıyldy
«Qazavtojol» JShS BQO fılıalynyń málimeti boıynsha 31 qańtar kúni jergilikti saǵat 21.00-den bastap respýblıkalyq mańyzy bar Oral-Tasqala-RF shekarasy (72-104 km, Tasqala
aýylynan Reseı shekarasyna deıin) joly barlyq kólik túrleri úshin jabyldy.
Jabylý sebebi – kúshti jel, boran, joldyń durys kórinbeýi.
Sonymen qatar «Qazgıdromet» RMK 1 aqpan kúni BQO-nyń batysy men soltústiginde jaıaý burqasyn kóterilip, kóktaıǵaq bolatynyn habarlady. Jeldiń jyldamdyǵy
sekýndyna 15-20 metrge jetýi múmkin. Oblystyń ońtústik-shyǵysynda tuman túsedi.
Oral qalasynda da burqasyn soǵyp, kóktaıǵaq bolýy yqtımal. Jeldiń ekpini sekýndyna 18 metrge deıin jetedi.
Osyǵan baılanysty BQO TJ departamenti eskertý jarııalap, turǵyndarǵa saq bolý, alys jolǵa shyqpaý kerektigin jetkizdi.
Eske sala keteıik, budan buryn Batys Qazaqstanda boranǵa baılanysty joldar jabylǵanyn jazǵan bolatynbyz.
Sondaı-aq Batys Qazaqstan oblysynda jol apatynan eki adam qaza tapty.