Batys Qazaqstanda Atyraý jáne Aqtóbe baǵytyndaǵy joldar jabyldy
ORAL. QazAqparat - Batys Qazaqstan oblysynda aýa raıynyń nasharlaýyna baılanysty respýblıkalyq mańyzy bar joldar jabyldy, dep habarlaıdy QazAqparat tilshisi.
«QazAvtoJol» JShS BQO fılıalynyń málimetine qaraǵanda, 10 naýryz kúni saǵat 15.15-ten bastap respýblıkalyq mańyzy bar Oral-Atyraý (492-189 km, Oraldan Atyraý oblysynyń shekarasyna deıin) jolynda barlyq kólik túrleri úshin qozǵalysqa shekteý qoıyldy.
Sondaı-aq saǵat 18.25-ten bastap respýblıkalyq mańyzy bar Samara-Shymkent (195-526 km, Reseı shekarasynan Aqtóbe oblysyna deıin) joly jabyldy.
Jabylý sebebi - boran, joldyń kórinýi nashar.
Sonymen qatar respýblıkalyq mańyzy bar Oral-Tasqala (4-104 km, Oraldan Reseı shekarasyna deıin) tas joly da jabyq.
Osyǵan baılanysty BQO TJ departamenti eskertý jarııalap, turǵyndarǵa SMS habarlamalar jiberýde.
Eske sala keteıik, budan buryn BQO-da boranǵa baılanysty respýblıkalyq joldarda qozǵalys shektelgenin jazǵan bolatynbyz.
