Batys Qazaqstanda «Ashyq» jobasyna qatysatyn nysandar demalys kúnderi de jumys isteıdi

ORAL. QazAqparat – Batys Qazaqstan oblysy aýmaǵynda karantındik shekteý sharalaryn engizýge qatysty BQO bas memlekettik sanıtar dárigeriniń 11 tamyzdaǵy jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, qaýly qol qol qoıylǵannan bastap kúshine enedi.

Buǵan deıin senbi jáne jeksenbi kúnderi barlyq nysandardyń qyzmeti toqtatylǵan bolatyn. Endi «Ashyq» jobasyna qatysatyn nysandardyń qyzmet merzimi uzartyldy, olar demalys kúnderi de jumys isteı alady.

Mysaly, bazarlar osyǵan deıin saǵat 17.00-ge deıin ashyq bolsa, budan bylaı «Ashyq» jobasymen óz kestesine sáıkes jumys isteı alady. Sol sekildi saýda úıleri «Ashyq» jobasymen saǵat 21.00-ge deıin jumys isteıdi. «Ashyq» jobasyna qatysatyn monsha, saýnalar da óz kestesine sáıkes jumystaryn júrgizedi.

Sondaı-aq qoǵamdyq kólikter sanıtarlyq talaptardy saqtaı otyryp, demalys kúnderi de júretin boldy.

Basqa karantın talaptary saqtalady.

Eske sala keteıik, budan buryn BQO-da sońǵy aptada 45 adamnyń koronavırýstan kóz jumǵanyn jazǵan bolatynbyz.