Batys Qazaqstanda artıllerııalyq snarıadtar tabyldy
ORAL. Jeltoqsannyń 9-y. QazAqparat /Eljan Eraly/ - Jeltoqsannyń 8-inde «Qarý» jedel aldyn alý is-sharasy kezinde BQO-nyń Bókeı ordasy aýdany Shońaı aýylynyń turǵyny, zeınetker Ermuhan Ǵumarovtyń aýlasy mańynan artıllerııalyq snarıadqa uqsas on zat tabyldy.
Oblystyq ishki ister departamenti baspasóz qyzmetiniń bastyǵy, polıtsııa polkovnıgi Fatıholla Mashtaqovtyń QazAqparat tilshisine habarlaǵanyndaı, munyń ekeýi uzyndyǵy 48 santımetr, dıametri 12 santımetr artıllerııalyq snarıad, segizi áýe raketasynyń qalyby bolyp shyqty.
Snarıadtar tabylǵan jer qorshaýǵa alynyp, olardy joıý úshin Oraldan BQO ishki ister departamenti «Arlan» arnaıy qyzmetiniń saperler toby attandyryldy.
