Batys Qazaqstanda - aptap ystyq, Mańǵystaý men Qyzylordada - burshaq

NUR-SULTAN. QazAqparat - Sınoptıkter aýa raıynyń buzylýyna baılanysty Qazaqstannyń birneshe óńirinde eskertý jarııalady, dep habarlaıdy QazAqparat Qazgıdrometke silteme jasap.

30 mamyr - 1 maýsym aralyǵynda kúndiz Batys Qazaqstan oblysynyń keı jerlerinde 31-36°S qatty ystyq kútiledi.

30 mamyrda Mańǵystaý oblysynyń keı jerlerinde nóser jaýyn jaýyp, naızaǵaı oınaıdy. Burshaq jaýýy múmkin. Soltústik-shyǵystan jel soǵyp, ekpini sekýndyna 15-20 metrge deıin jetedi.

Osy kúni Aqtaý qalasynda qatty jańbyr jaýyp, naızaǵaı jarqyldaıdy.

30 mamyr tańerteń jáne kúndiz, 31 mamyr jáne 1 maýsymda Qyzylorda oblysynyń keı jerlerinde naızaǵaı oınaıdy. 30 mamyr kúndiz, 31 mamyr-1 maýsym kúnderi ońtústik-batystan soqqan jel soltústik-shyǵysqa aýysady. Jel qarqyny keı jerlerde 15-20 m/s deıin kúsheıedi. 31 mamyr-1 maýsymda keı jerlerde daýyl soǵyp, kúndiz burshaq jaýýy yqtımal.