Batys Qazaqstanda alpystan astam avtokólik qar qursaýynan shyǵaryldy
ORAL. QazAqparat - Batys Qazaqstan oblysynda alpystan astam avtokólik qar qursaýynan shyǵaryldy, dep habarlaıdy QazAqparat tilshisi.
BQO tótenshe jaǵdaılar departamentinen túsken málimetke qaraǵanda, keshe saǵat 21.00-den bastap Tasqala aýdanynda Oral-Saratov, Tasqala-Aqqýraı, sondaı-aq Peremetnyı-Ozernyı joldarynda barlyǵy 61 kólikke kómek kórsetildi.
Onyń 38-i - jeńil, 22-si - júk kólikteri, bireýi - jolaýshylar avtobýsy. Bul kólikterde barlyǵy 211 adam bolǵan.
Eske sala keteıik, budan buryn óńirde boranǵa baılanysty joldar jabylǵan bolatyn. TJ departamentiniń habarlaýynsha, barlyq oblystyq mańyzy bar jáne respýblıkalyq Oral-Samara, Oral-Saratov (Peremetnyıdan bastap) baǵytyndaǵy joldar áli ashylǵan joq.
Illıýstratsııalyq foto
