Batys Qazaqstanda aldaǵy kúnderi jel kúsheıedi
ORAL. QazAqparat - «Qazgıdromet» RMK BQO fılıalynyń málimeti boıynsha 6 qazanda kúndiz, 7 qazanda táýlik boıy óńirdiń keı jerlerinde ońtústik-batystan soǵatyn jeldiń jyldamdyǵy sekýndyna 15-20 metrge jetpek, dep habarlaıdy «QazAqparat» tilshisi.
Oral qalasynda 7 qazan kúni ońtústik-batystan soǵatyn jeldiń jyldamdyǵy sekýndyna 18 metrge deıin kúsheıýi yqtımal.
Osyǵan oraı BQO TJ departamenti eskertý jarııalady. Qazirgi kezde turǵyndar arasynda tótenshe jaǵdaılardy boldyrmaý, ómirlik mańyzy zor nysandar, elektr jáne baılanys jelileriniń qalypty jumysyn qamtamasyz etý baǵytynda sharalar alynýda.
