Batys Qazaqstanda Aqtóbe baǵytyndaǵy jolda qozǵalysqa shekteý qoıyldy
ORAL. QazAqparat - Batys Qazaqstan oblysynda jyl Aqtóbe baǵytyndaǵy jolda qozǵalysqa shekteý qoıyldy, dep habarlaıdy QazAqparat tilshisi.
«QazAvtoJol» JShS BQO fılıalynyń málimetine qaraǵanda, búgin jergilikti saǵat 16.10-nan bastap Aqtóbe oblysynda aýa raıynyń nasharlaýyna baılanysty respýblıkalyq mańyzy bar Samara-Shymkent (394-526 km, Jympıty aýylynan Aqtóbe oblysy shekarasyna deıin) joly júk jáne qoǵamdyq kólikter úshin jabyldy.
Jabylý sebebi - kúshti jel, boran, joldyń durys kórinbeýi.
Osyǵan baılanysty BQO TJ departamenti eskertý jarııalap, turǵyndarǵa atalmysh baǵytta jolǵa shyqpaý kerektigin jetkizdi.
Eske sala keteıik, budan buryn BQO-da boranǵa baılanysty respýblıkalyq joldyń jabylǵanyn jazǵan bolatynbyz.
