Batys Qazaqstanda aǵaıyndy jigitter uzaq ýaqyt boıy qujatsyz júrgen
ORAL. QazAqparat – Batys Qazaqstan oblysynda aǵaıyndy jigitter 18 jáne 15 jyl boıy qujatsyz júrgen, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa Terekti aýdanynda boldy.
1987 jáne 1990 jylǵy aǵaıyndylar 16 jasqa tolǵan kezde ata-anasynyń salǵyrttyǵyna baılanysty jeke kýálikterin almaǵan.
Osy máseleni sheshý úshin olar Terekti aýdany polıtsııa bólimi kóshi-qon qyzmeti tobynyń ınspektory Ádilbek Baımuhanovqa júgingen. Inspektor muny shuǵyl sheship, aǵaıyndy jigitterdiń osynshama ýaqyt boıy kútken qujattaryn rásimdeýge kómektesken. Olar óz mindetin adal atqarǵany úshin Á.Baımuhanovqa alǵysyn bildirdi.
Aıta keteıik, QR ІІM tapsyrmasyna sáıkes BQO aýmaǵynda qujatsyz júrgen adamdardy qujattandyrý jumystary júrgizilip keledi.
BQO ishki ister departamenti kóshi-qon basqarmasy 2020 jyldyń 24 qyrkúıeginen beri arnaıy aktsııa uıymdastyrdy. Іs-shara bastalǵaly beri oblys aýmaǵynda 84 adam jeke basty kýálandyratyn qujatqa qol jetkizdi. Sonyń ishinde 52-si 1974 jylǵy úlgidegi tólqujat, 32-si týý týraly kýálikteri boıynsha qujattandyryldy.
