Batys Qazaqstanda aǵaly-inili eki bala joǵalyp ketti
ORAL. QazAqparat – Batys Qazaqstan oblysynda aǵaly-inili eki bala joǵalyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa Aqjaıyq aýdany Janama aýylynda keshe saǵat 15.30-da oryn alǵan.
2014 jyly 2 qazanda dúnıege kelgen Nurıslam men 2017 jyly 23 qarashada týǵan Beksultan Orynbasar óz úıiniń aýlasynda oınap júrgen. Úı sharýasynda júrgen anasy olardy sońǵy ret saǵat 15.00 shamasynda baıqaǵan, al balalardyń ákesi jumysta bolǵan. Sodan keıin ata-ana, týma-týysqandary jergilikti turǵyndarmen keshki 20.30-ǵa deıin óz betimen izdestirgen. Taba almaǵan soń Taıpaq polıtsııa bólimine habarlaǵan.
Habardy estigennen keıin oqıǵa ornyna Oraldan BQO polıtsııa departamentiniń basshylary bastaǵan arnaıy top bardy.
Aýyldan bir shaqyrym jerde Qarasý ózeni de bar.
Joǵalǵan balalar týraly biletinder bolsa, 102, 112, 8-777-075-16-72, 8-702-526-91-75, 8-777-914-10-34 telefondaryna habarlasýǵa bolady.
BQO TJ departamentiniń baspasóz qyzmeti qutqarýshylardyń da eki balany izdestirip jatqanyn jetkizdi.
