Batys Qazaqstanda ádildik izdegen turǵyndar «Adal kómekke» júgindi
ORAL. QazAqparat – QR Prezıdenti janyndaǵy ulttyq qoǵamdyq senim keńesiniń múshesi, «Adal kómek» jobasynyń jetekshisi, advokat Aıman Omarova Oraldaǵy Antıkor ortalyǵynda turǵyndardy qabyldady, dep habarlaıdy QazAqparat tilshisi.
A.Omarova elýdeı adamdy qabyldap, olardyń muń-muqtajdaryna qulaq túrdi.
Turǵyndarǵa túrli máseleler boıynsha zańgerlik keńester berildi. Sonyń ishinde múgedekter quqyǵyn qorǵaý, turǵyn úı, sot sheshimderimen kelispeý sııaqty túıtkildi jaıttar boldy. ıAǵnı negizinen ádildik izdegender «Adal kómekke» júgindi.
Aıman Omarova sondaı-aq áleýmettik jelidegi paraqshasynda tikeleı efırde saýaldarǵa jaýap berdi.
«Adal kómek» jobasy bıylǵy jyldyń aqpanynan bastaý aldy. Biz áleýmettik osal toptarǵa, kóp balaly, jaǵdaıy qıyn otbasylarǵa, sondaı-aq túrli qıyndyqqa tap bolǵan adamdarǵa zańgerlik keńes beremiz. Kúni búginge deıin 30 myńdaı másele boıynsha saýaldarǵa jaýap berildi. Qysqasy, suraq kóp. Adamdardy tikeleı qabyldap, sondaı-aq onlaın túrde de jaýap berýdemiz», dedi Aıman Muratqyzy.
Onyń aıtýynsha, Batys Qazaqstan oblysyna jumys sapary barysynda QR Sybaılas jemqorlyqqa qarsy is-qımyl agenttigi, Aqparattyq jáne qoǵamdyq damý mınıstrliginiń ókilderimen birge «Halyq úni» jobasy boıynsha da Shyńǵyrlaý aýdany men Oral qalasynda jurtshylyqpen kezdesip, turǵyndardy qabyldaıtyn bolady.
Atalmysh joba maqsaty – halyqpen kedergisiz baılanys ornatý jáne azamattardyń memlekettik organdardyń qyzmetine senimin arttyrý.
Memleket basshysynyń «Halyq únine qulaq asatyn memleket» tujyrymdamasynyń barlyq azamattardyń ótinishterine jedel jáne tıimdi áreket etýge baǵyttalýy tıis ekendigin atap ótkeni belgili.
«Osy oraıda «Adal kómek» pen «Halyq úni» jobalary bılik pen buqara arasyndaǵy baılanysty nyǵaıtýdy kózdep, turǵyndardyń túrli máseleleriniń barynsha tez sheshilýine járdemdesedi», dedi QazAqparat tilshisine Aıman Omarova.
