Batys Qazaqstanda 95 jastaǵy soǵys ardageri vaktsına qabyldady

ORAL. QazAqparat - Batys Qazaqstan oblysynda Ekinshi dúnıejúzilik soǵys ardageri, 95 jastaǵy Andreı Startsev koronavırýsqa qarsy ekpe saldyrdy, dep habarlaıdy QazAqparat tilshisi.

Andreı Tımofeevıch Báıterek aýdany Rýbejın aýylynda turady.

Ol óziniń jáne týystarynyń densaýlyǵy úshin vaktsına alǵanyn jetkizdi.

Ekpe alǵandardyń taǵy biri - osy aýdannyń Dostyq aýylynda turatyn Mıhaıl Dıadchenko.

«Meniń jasym 82-de. «Spýtnık V« vaktsınasyn qabyldadym. Qazir ózimdi jaqsy sezinemin. Ekpe alý, ásirese, jasy ulǵaıǵan adamdar úshin mańyzdy. Ózimizdi jáne jaqyn-jýyqtarymyzdy qorǵaý úshin vaktsına alý qajet, dedi M.Dıadchenko.

Oblystyq densaýlyq saqtaý basqarmasynan túsken málimetke qaraǵanda, ótken táýlikte 619 adam vaktsınanyń birinshi komponentimen egildi.

Vaktsınatsııa bastalǵannan beri oblys boıynsha barlyǵy 217 551 adam birinshi komponentti saldyrdy, bul - egilýge tıisti turǵyndardyń 60,4 paıyzy.

Sondaı-aq 189 536-sy ekinshi komponentti saldyrdy.

Turǵyndardy egý jumystary odan ári jalǵasýda.

Eske sala keteıik, budan buryn Batys Qazaqstanda sońǵy tórt táýlikte 260 adamnyń koronavırýs juqtyrǵanyn jazǵan bolatynbyz.