Batys Qazaqstanda 910 oqýshydan koronavırýs anyqtaldy
BQO densaýlyq saqtaý basqarmasy málim etkenindeı, qazirgi kezde Oral qalasynda oblystyq kórý qabileti buzylǵan balalarǵa arnalǵan mamandandyrylǵan mektep-ınternatynda bir synyp 4 qańtarǵa deıin jabylǵan.
Jyl basynan beri aýyrǵan 3 033 balanyń 3 031-i jazylyp shyqty.
Pandemııa bastalǵannan beri oblysta 40 047, bıyl 30 826 adamnan indet tabyldy.
Óńirdegi iri kásiporyndar sanalatyn «Jaıyqmunaı» JShS-dan jyl basynan beri 67, «QPO b.v» kompanııasynan 273 qyzmetkerdiń vahtaǵa shyǵar aldynda nemese odan keıin koronavırýs juqtyrǵany belgili boldy.
Kúni búgin oblys boıynsha 286 adam ambýlatorııada, 53 naýqas statsıonarda em alýda. Sonyń ishinde 8-i jansaqtaý bólimshesinde jatyr. Sońǵy táýlikte 9 naýqas tirkelse, 16-sy jazylyp shyqty.
Basqarmadan túsken málimetke qaraǵanda, 255 015 adam (egilýge tıisti turǵyndardyń 61,6 paıyzy) vaktsınanyń birinshi, 241 608-i (58,3 paıyzy) ekinshi komponentimen egildi.
Sondaı-aq 13 821 adam revaktsınatsııadan ótse, 5012 turǵyn Pfizer vaktsınasyn aldy. Sonyń 2 827-si jasóspirim bolsa, 152-si – júkti, 2033-i – bala emizetin áıel.
Oblysta vaktsınatsııa jalǵasýda.
Eske sala keteıik, budan buryn BQO-da jańa qaýlyǵa sáıkes saýda úılerine turǵyndar tek «jasyl» mártebemen ǵana kire alatynyn, 13 myńnan astam turǵynnyń revaktsınatsııadan ótkenin jazǵan bolatynbyz.