Batys Qazaqstanda 91 jastaǵy tyl ardageri óz tańdaýyn jasady
Júrip-turýy qıyn bolǵandyqtan, aqsaqal óz úıinde daýys berdi.
«Ekinshi dúnıejúzilik soǵys kezinde bala bolsaq ta, tylda eresektermen birge eńbek ettik. Qabyrǵamyz qatpaı jatyp qıyndyqtyń ne ekenin kórip óstik. Sóıtip Jeńiske kóppen birge óz úlesimizdi qostyq. Endi, mine, osynshama jasqa kelip, táýelsiz elimizdiń ósip-órkendegenin kórip, qýanyp otyrmyz. Bul da – baqyt. Búginde jelkildep ósip kele jatqan urpaǵymyzdyń bolashaǵy jarqyn bolǵaı dep tilep otyramyz. Eń bastysy, elimiz aman, jurtymyz tynysh bolsyn», - dedi qarııa.
Serebrıakov kentindegi ýchaskede barlyǵy 828 daýys berýshi tirkelgen. Olardyń eń úlkeni 91 jasta bolsa, 19 jas saılaýshy bar. Eń jasy – Anel Imanbaeva.
Serebrıakov jalpy orta bilim beretin mektebiniń tálimgeri Gúljaýar Ersaıynqyzy daýys berýge aýyl halqynyń da belsene qatysyp jatqanyn jetkizdi.
«Serebrıakov mektebinde jas jetkinshekterge dene tárbıesinen sabaq beremin. Ózim Krýgloozernyı kentinde turamyn. Aýylymdaǵy referendým úlken mereke sııaqty ótýde. Biz de óz tańdaýymyzdy zor úmitpen jasadyq», dedi Serebrıakov mektebi dene tárbıesi pániniń muǵalimi Nurǵazy Qýanǵalıev.
Eske sala keteıik, budan buryn batysqazaqstandyq ǵalymnyń halyqtyń emin-erkin óz tańdaýyn jasap jatqany týraly aıtqanyn, Ulttyq ulannyń 18-ge tolǵan sarbazdary referendýmda daýys bergenin jazǵan bolatynbyz.
Sondaı-aq oraldyq ǵalym ult bolashaǵyn oılaıtyn urpaǵy úshin qýanǵanyn jetkizdi.
