Batys Qazaqstanda 720 bala koronavırýs juqtyrǵan
ORAL. QazAqparat – Batys Qazaqstan oblysynda bıyl 720 bala koronavırýs juqtyrǵan, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, ótken jyldyń qyrkúıeginen beri indet tabylǵan balalar sany 925-ke jetti.
Oblysta barlyǵy 18877 adam tirkelse, sonyń 10700-inde aýrý belgileri bar, 8177-sinde sımptomy bolmaǵan.
Aýyrǵandardyń 14725-i jazylyp shyqsa, sonyń 6735-i statsıonarda, 7990-y ambýlatorlyq em aldy. 275 adam ómirden ozdy.
Sońǵy táýlikte 173, bir aptada 1139 adamnan koronavırýs anyqtaldy.
Pnevmonııaǵa shaldyǵyp, statsıonarǵa túskender sany – 461.
Qazirgi kezde ınvazıvti jasandy tynys alý apparatyna 2, ınvazıvti emes sondaı qurylǵyǵa 20, ottegi kontsentratoryna 12, ortalyqtandyrylǵan ottegi kózine 137 adam qosylǵan.
Óńirdegi 1115 tósektik 11 ınfektsııalyq statsıonarda 600 naýqas jatsa, sonyń 39-y jansaqtaý bólimshesinde.
Sondaı-aq 195 tósektik 4 karantındik statsıonarda 7 adam em qabyldaýda.
Eske sala keteıik, budan buryn Batys Qazaqstanda 29 myńǵa jýyq adamnyń koronavırýsqa qarsy ekpe saldyrǵanyn, bir aptada 1200-ge jýyq adamnan indet anyqtalǵanyn jazǵan bolatynbyz.
