Batys Qazaqstanda 700 gektar qurǵaq shóp órtendi
ORAL. QazAqparat - Batys Qazaqstan oblysynda 700 gektar qurǵaq shóp órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 3 shilde kúni Bórli aýdany Keńtúbek aýyldyq okrýginde boldy.
Proletar eldi mekeninen 4 shaqyrym jerde 700 gektar qurǵaq shóp jalynǵa orandy.
Eldi meken, orman men egistikke qaýip tóngen joq.
Órtti sóndirýge TJ departamenti (16 qyzmetker, 2 tehnıka), «Órt sóndirýshi» AQ (5 qyzmetker, 1 tehnıka), erikti órt sóndirý jasaǵy (17 adam, 5 tehnıka) jáne orman sharýashylyǵy mekemesi (5 qyzmetker, 1 tehnıka) kúshteri jumyldyryldy.
«Tilsiz jaý» saǵat 21.00-de oqshaýlanyp, 21.30-da tolyq joıyldy.
Óńirde kún qatty ysyp ketkendikten, órt qaýpi saqtalyp otyr.
Eske sala keteıik, budan buryn Oralda turǵyn úı órtenip, kúıik shalǵan úsh adamnyń aýrýhanaǵa túskenin jazǵan bolatynbyz.
