Batys Qazaqstanda 70-ten astam kıikti atqan turǵyn ustaldy
ORAL. QazAqparat - Batys Qazaqstan oblysynda jetpisten astam kıikti atqan turǵyn ustaldy, dep habarlaıdy «QazAqparat» tilshisi.
BQO ІІD jergilikti polıtsııa qyzmeti tabıǵat qorǵaý polıtsııasy bóliminiń qyzmetkerleri «Ohotzooprom» ÓB» RMQK ınspektorlarymen birlese otyryp, reıdtik sharalar barysynda 12 qańtar kúni saǵat shamamen 13.00-de Jańaqala aýdany Kópjasar aýyldyq okrýgi aýmaǵynda zańsyz kıik aýlaǵany úshin Aqjaıyq aýdanynyń 1973 jylǵy turǵynyn qolǵa túsirdi.
BQO ІІD baspasóz qyzmetinen túsken málimetke qaraǵanda, oqıǵa ornynan múıizi kesilgen 72 kıiktiń ushasy tabylǵan.
Osy oqıǵa boıynsha QR QK 337-babyna sáıkes qylmystyq is qozǵalyp, tergeý amaldary júrgizilýde.
Ustalǵan kúdikti QR Qylmystyq is júrgizý kodeksi 128-babyna sáıkes ýaqytsha oqshaýlaý ızolıatoryna qamaldy.
