Batys Qazaqstanda 70 myńǵa jýyq adam koronavırýsqa qarsy egildi
ORAL. QazAqparat – Batys Qazaqstan oblysynda 69834 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.
BQO densaýlyq saqtaý basqarmasy basshysynyń mindetin atqarýshy Arman Qalıbekovtiń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 60710-y «Spýtnık V», 1085-i «QazVac», 8309-y «Hayat-Vax» vaktsınasyn qabyldady.
Oǵan qosa 33387 adam ekinshi komponentpen egildi.
Arman Talǵatulynyń sózine qaraǵanda, 2 maýsym kúni oblysqa 17500 doza (І komponent) reseılik «Spýtnık V» vaktsınasy jetkizildi.
Egilý bastalǵannan beri óńirge barlyǵy 173060 doza (122550-i – І, 50510-y – ІІ komponent) vaktsına kelip tústi. Sonyń ishinde 119060 dozasy (88050-i – І, 31010-y – ІІ komponent) – «Spýtnık V» vaktsınasy. Sondaı-aq 4 myń doza (2 myńy – І, jartysy – ІІ komponent) otandyq «QazVac», Birikken Arab Ámirlikterinde óndirilgen 50 myń doza (32500-i – І, 17500-i –ІІ komponent) «Hayat-Vax» vaktsınasy ákelindi.
«Qazirgi kezde oblysta vaktsınanyń osy úsh túri bar.
Sondyqtan vaktsınatsııanyń mańyzdylyǵyn eskere otyryp, barlyq nıet bildirgen azamattardy ekpe alýǵa shaqyramyn.
Vaktsınatsııa qujaty ekinshi komponentti alǵannan keıin beriledi», dedi A.Qalıbekov.
Eske sala keteıik, budan buryn Batys Qazaqstanda sońǵy on kúnde 20 oqýshydan koronavırýs tabylǵanyn jazǵan bolatynbyz.
