Batys Qazaqstanda 7 myń adam koronavırýsqa qarsy ekpe saldyrdy
ORAL. QazAqparat – Batys Qazaqstan oblysynda 7 myń adam koronavırýsqa qarsy ekpe saldyrdy. Bul týraly oblystyq densaýlyq saqtaý basqarmasy basshysynyń mindetin atqarýshy Arman Qalıbekov málim etti, dep habarlaıdy QazAqparat tilshisi.
Onyń aıtýynsha, vaktsına alǵandardyń kópshiligi – medıtsına qyzmetkerleri. Sondaı-aq pedagogtar, quqyq qorǵaý jáne basqa sala ókilderi bar.
Arman Talǵatuly kovıdpen aýyrǵanyna alty aı ýaqyt ótkennen keıin búgin óziniń de «Spýtnık V» vaktsınasynyń birinshi komponentin qabyldaǵanyn jetkizdi.
Qazirgi kezde Oral qalasy men aýdan ortalyqtarynda otyz shaqty egý kabınetterinde turǵyndardy keste boıynsha vaktsınatsııalaý júrgizilýde.
Sáýir aıynyń aıaǵyna deıin oblysqa taǵy da 49700 doza vaktsına ákelinbekshi. Sol ýaqytta turǵyndardyń edáýir bóligin qamtýǵa múmkindik týady.
«Osyǵan oraı aıtarym, koronavırýsqa tosqaýyl qoıý úshin oblys turǵyndarynyń keminde 50 paıyzy ekpe qabyldaýy kerek. Sondyqtan adamdardy aldymen ózderiniń densaýlyǵyn saqtaý úshin vaktsına alýǵa shaqyramyn», dedi A.Qalıbekov.
Eske sala keteıik, budan buryn Batys Qazaqstanda ınfektsııalyq statsıonarda jatqandar sany 463-ke jetkenin jazǵan bolatynbyz.
