Batys Qazaqstanda 68 myńnan astam adam revaktsınatsııadan ótti

ORAL. QazAqparat - Batys Qazaqstan oblysynda 68 143 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, osy kezge deıin oblys boıynsha 273 352 adam vaktsınanyń birinshi komponentimen egildi, bul - egilýge tıisti turǵyndardyń 66 paıyzy.

Sondaı-aq 261 873-i (63 paıyzy) ekinshi komponentti de saldyrdy.

Qazirgi kezde óńirde 54 457 doza І, 114 422 ІІ komponent vaktsına bar.

Pfizer vaktsınasyn 10 706 adam qabyldasa, sonyń 406-sy - júkti, 4 750-i - bala emizetin áıelder, 5541-i - jasóspirimder, 9-y - múgedekter.

Basqarma málimetine qaraǵanda, kúni búgin 511 tósektik 12 ınfektsııalyq statsıonarda 5 naýqas em qabyldaýda. Jansaqtaý bólimshesindegi 3 adamnyń bireýi aýyr, ekeýi asa aýyr halde.

Jyl basynan beri 43 adam koronavırýstan kóz jumdy.

Eske sala keteıik, budan buryn BQO-da koronavırýspen aýyrǵan 1600-den astam adamnyń ońaltý kýrsynan ótkenin jazǵan bolatynbyz.

Sondaı-aq Oralda toǵyz aılyq sábı eskalatordan qulap ketti.