Batys Qazaqstanda 66 myń adam koronavırýsqa qarsy ekpe saldyrdy

ORAL. QazAqparat – Batys Qazaqstan oblysynda 66481 adamǵa koronavırýsqa qarsy vaktsınanyń birinshi komponenti egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, sonyń ishinde 59186-sy «Spýtnık V», 1 myńy «QazVac», 5360-y «Hayat-Vax» vaktsınasyn qabyldady.

29354 adam ІІ komponentpen egilip úlgerdi.

Oblysqa osy kezge deıin 138560 doza (89050-i – birinshi, 49510-y – ekinshi komponent) vaktsına jetkizildi.

Sonyń basym kópshiligi, 91200-i (60550-i – І, 30650-i – ІІ komponent) – reseılik «Spýtnık V» vaktsınasy.

2 myń doza (1 myńy – І, jartysy – ІІ komponent) otandyq vaktsınamen 1 myń adam egildi.

Birikken Arab Ámirlikterinde óndirilgen 45 myń doza (27500-i – І, 17500-i – ІІ komponent) «Hayat-Vax» vaktsınasymen de turǵyndar egilýde.

Eske sala keteıik, budan buryn Batys Qazaqstanda bir aptada 650-ge jýyq adamnan koronavırýs tabylǵanyn jazǵan bolatynbyz.