Batys Qazaqstanda 64 myńǵa jýyq adam revaktsınatsııadan ótti
BQO densaýlyq saqtaý basqarmasy málim etkenindeı, kúni búgin Pfizer kompanııasynyń vatsınasymen 10 491 adam egildi. Sonyń 5 442-si jasóspirimder bolsa, 386-sy – júkti, 4 657-si– bala emizetin áıelder, altaýy – múgedekter.
Osy kezge deıin 272 261 adam birinshi komponentti saldyrdy, bul – jalpy jospardyń 65,7 paıyzy. Sondaı-aq 259 674-i (62,7 paıyzy) ekinshi ekpeden ótti.
Qazirgi kezde oblysta 61 953 doza І, 115 704 doza ІІ komponent bar.
Basqarmadan túsken málimetke qaraǵanda, pandemııa bastalǵannan beri 49 599, sonyń ishinde bıyl 9 529 adam koronavırýs juqtyrdy.
Sońǵy táýlikte 10 adamnan indet tabyldy.
Jyl basynan beri 42 adam koronavırýstan kóz jumdy.
Sońǵy kezde statsıonarda jatqan naýqastar sany azaıdy. 751 tósektik 14 ınfektsııalyq statsıonarda 33 naýqas qaldy, aýrýhanalar 4,4 paıyzǵa tolǵan. Aýyr haldegi 10 naýqastyń úsheýi ınvazıvti jasandy tynys alý apparatyna, jeteýi ınvazıvti emes osyndaı qurylǵyǵa qosylǵan.
Eske sala keteıik, budan buryn Batys Qazaqstan oblysynda 272 myńnan astam adamnyń koronavırýsqa qarsy egilgenin jazǵan bolatynbyz.
