Batys Qazaqstanda 62 myńǵa jýyq adam koronavırýsqa qarsy ekpe saldyrdy
ORAL. QazAqparat - Batys Qazaqstan oblysynda 61868 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń habarlaýynsha, 23146 adam ekpeniń ekinshi komponentin aldy.
Óńirde turǵyndardy vaktsınalaý jumystary jalǵasýda.
Basqarmadan túsken málimetke qaraǵanda, sońǵy táýlikte 97, bir aptada 739 adam koronavırýs juqtyrdy.
Pnevmonııaǵa shaldyqqan 394 adam statsıonarda em qabyldaýda.
Invazıvti jasandy tynys alý apparatyna 4, ınvazıvti emes osyndaı qurylǵyǵa 13, ottegi kontsentratoryna 22, ortalyqtandyrylǵan ottegi kózine 104 adam qosylǵan.
Kúni búgin 1123 tósektik 18 ınfektsııalyq statsıonarda 488, sonyń ishinde 32-si jansaqtaý bóliminde jatyr. Sondaı-aq 195 tósektik 4 karantın statsıonarynda 9 adam emdelýde.
Jyl basynan beri 930 baladan koronavırýs anyqtaldy.
Іri kásiporyndardan bıyl «Jaıyqmunaı» JShS-dan 38, «QPO b.v.» kompanııasynan 130 adamnan indet tabyldy.
Eske sala keteıik, budan buryn BQO-da sońǵy tórt táýlikte 440 adamnan koronavırýs tabylǵanyn jazǵan bolatynbyz.
