Batys Qazaqstanda 600 tonna pishen janyp ketti

ORAL. QazAqparat - Batys Qazaqstan oblysynda 600 tonna pishen janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 22 qyrkúıek kúni Syrym aýdany aýmaǵynda boldy.

«Saǵat 15.51-de Jetikól aýylynan 5 shaqyrym jerde «Qaraqudyq« qystaǵynda «Jaras« sharýa qojalyǵyna tıesili aýmaqta úsh úıilgen pishen (600 tonnadaı) otqa orandy. Aldyn ala málimet boıynsha jalyn 1 gektar aýmaqty sharpydy. Órtti sóndirýge 24 adam (3 tehnıka) jumyldyryldy. «Tilsiz jaý« búgin saǵat 07.48-de oqshaýlanyp, 08.44-te aýyzdyqtaldy. Qazirgi kezde órttiń shyǵý sebebi, keltirilgen shyǵyn anyqtalyp jatyr», dep habarlady vedomstvodan.

Eske sala keteıik, budan buryn BQO-da 42,5 tonna pishen órtenip ketkenin jazǵan bolatynbyz.