Batys Qazaqstanda 600-den astam adam koronavırýsqa qarsy ekpe saldyrdy
ORAL. QazAqparat – Batys Qazaqstan oblysynda 624 adam koronavırýsqa qarsy egilip úlgerdi. Bul týraly oblys ákimi Ǵalı Esqalıevtiń tóraǵalyq etýimen ótken óńirlik jedel shtab otyrysynda málim etildi, dep habarlaıdy QazAqparat tilshisi.
BQO densaýlyq saqtaý basqarmasy basshysynyń mindetin atqarýshy Arman Qalıbekovtiń málim etkenindeı, Oralda jeti memlekettik qalalyq emhanada men «Medıtsına ortalyǵy» JShS-da, sondaı-aq 4 aýdandyq aýrýhanada egý jumystaryn aldyn ala daıyndyqtan ótken medıtsına qyzmetkerleri júrgizýde.
Qazirgi kezde tizimge jáne kestege sáıkes medıtsına qyzmetkerleri egilýde.
Ekinshi kezeńde jalpy bilim beretin mektepter, JOO pedagogtary, soǵan deıin egilip úlgermegen medıtsına qyzmetkerleri qamtylady.
Úshinshi kezeńde mektep-ınternattar, mektepke deıingi balalar mekemeleriniń qyzmetkerleri, stýdentter jáne sozylmaly aýrýy bar adamdar egiledi.
Sodan keıin TJ, polıtsııa, qorǵanys, UQK, memlekettik kúzet qyzmeti sekildi salalar ókilderine kezek keledi.
Vaktsınalaý tegin júrgizilýde.
A.Qalıbekov aqyly túrde ekpe alý ázirge qarastyrylmaǵanyn jetkizdi.
Otyrysta sondaı-aq BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaev óńirde epıdemıologııalyq ahýaldyń áli turaqsyz ekendigin, indet juqtyrýdyń jalǵasyp otyrǵanyn atap ótti.
Jıyndy qorytyndylaǵan oblys ákimi Ǵalı Esqalıev koronavırýstyń taralýyna tosqaýyl qoıý jumystaryn shırata túsý qajettigin aıtty.
«Budan burynǵy otyrysta oblystyq kásipkerlik jáne ındýstrıaldy-ınnovatsııalyq damý basqarmasyna shekteý sharalaryna baılanysty toqtap turǵan kafe, meıramhana jáne basqa nysan ıelerine qoldaý kórsetý týraly tapsyrma berilgen bolatyn. ıAǵnı kásipkerlerge kásibiniń baǵytyn ózgertý nemese nysandy memleketke jalǵa berý, satý jóninde usynys jasalýda. Óıtkeni ómir ózgerip jatyr. Bolashaqta úlken shyǵyndy qajet etetin toılar bolmaýy múmkin. Sondyqtan mundaı ǵımarattardy, mysaly, sport zaldaryna aınaldyrsa, áldeqaıda tıimdi. Osy jumysty qalada ǵana emes, aýdandarda da jalǵastyrý kerek», dedi óńir basshysy.
Eske sala keteıik, budan buryn Batys Qazaqstanda koronavırýs juqtyrǵandardyń 55 paıyzdan astamy Oralda tirkelgenin jazǵan bolatynbyz.
