Batys Qazaqstanda 60-tan astam kólik qar qursaýynan qutqaryldy
ORAL. QazAqparat - Batys Qazaqstan oblysynda 60-tan astam avtokólik qar qursaýynan shyǵaryldy, dep habarlaıdy QazAqparat tilshisi.
Oblystyq Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa 17 naýryzǵa qaraǵan túni Tasqala aýdanynda oryn aldy.
Saǵat 00.11 shamasynda Tasqala-Aqqýraı jolynyń 3-9 shaqyrymy aralyǵynda 59 jeńil kólik, 5 «GAZel» jáne 1 «KamAZ» avtokóligine kómek kórsetildi.
Bul kólikterde barlyǵy 138 adam bolǵan, olardyń 8-i - balalar.
Keshe burqasyn soǵyp, jeldiń jyldamdyǵy sekýndyna 14 metrge deıin jetýine baılanysty oblystyq mańyzy bar osy Tasqala-Aqqýraı-Bolashaq jolynda barlyq kólik túrleri úshin qozǵalysqa shekteý qoıylǵan bolatyn.
«Atalmysh jol qazir de jabyq. Basqa joldar ashyq», - dep habarlady QazAqparat tilshisine TJ departamentinen.
