Batys Qazaqstanda 60-qa jýyq muǵalimnen koronavırýs tabyldy
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sondaı-aq arnaýly orta oqý oryndarynda 32, JOO-da 13 stýdentten indet tabyldy.
Onyń sózine qaraǵanda, óńirde 6 mektepte 7 synyptyń oqýshylary men muǵalimderin úı karantınine kóshirý týraly 5 qaýly shyǵaryldy.
Jyl basynan beri 29 613 naýqas tirkelip, 100 myń turǵynǵa shaqqanda, kórsetkish 4483,2-den keledi.
Aýyrǵandardyń basym kópshiligi, ıaǵnı 48 paıyzy (14 268) Oral qalasy, 15 paıyzy (4384) Báıterek, 13 paıyzy (3697) Bórli aýdanynyń úlesine tıedi.
Sońǵy aptada (22-28 qazan) aldyńǵymen (15-21 qazan) salystyrǵanda, aýrý juqtyrý 6,4 paıyzǵa (312-den 292-ge) azaıdy.
Qazan aıynda 1362 adam koronavırýs juqtyrsa, sonyń 773-i (57 paıyzy) JRVI belgileri boıynsha tekserilgen. 332-si (25 paıyzy) buryn aýyrǵandarmen qarym-qatynasta bolǵan. 242-sinen (17 paıyzy) profılaktıkalyq maqsatta, 15-inen (1 paıyzy) statsıonarda jatqyzar aldynda synama alynǵan.
Jas erekshelikteri boıynsha 41-60 jastaǵylar (376) arasynda kóbirek anyqtalýda.
Osy aıda memlekettik shekaradan anyqtamasyz ótken 1082 jolaýshynyń ekeýinen indet tabyldy. Halyqaralyq júk tasymalymen aınalysatyn, anyqtamasy joq 1859 júrgizýshiniń úsheýi aýrý juqtyrǵan bolyp shyqty.
«1 qazannan beri úılerinde oqshaýlanýy tıis 143 adamnyń karantın talabyn buzǵany anyqtaldy. Sonyń 120-sy – «qyzyl», 23-i – «sary» mártebesi barlar. 10 maýsymnan beri karantın tártibin buzǵandarǵa QR Ákimshilik quqyqbuzýshylyq kodeksiniń 425-baby 1-bóligine sáıkes 146 hattama toltyrylyp, 6,359 mln astam teńge aıyppul salyndy», dedi N.Mustaev.
Eske sala keteıik, budan buryn BQO-da 235 myńna astam adamnyń koronavırýsqa qarsy ekpe alǵanyn jazǵan bolatynbyz.